Kadungan sang ginalauman nga pagdagsa sang mga bakasyonista sa nagkalain-lain nga resort kag beach , nagpahanumdom ang Philippine Coast Guard sa publiko nga doblehon ang paghalong agud makalikaw sa disgrasya.
Suno kay coast guard spokeperson Capt. Armand Balilo, dapat siguruhon sang mga beach goers nga may nakaduty nga lifeguards sa mga ginapadulungan nga resort.
Sa mga resort owner, dapat siguraduhon nga may mga nakahanda nga bulong ukon mga first aid stations nga handa maghatag sang bulig sa tion sang emerhensya.
Dugang pa ni Balilo nga dapat man siguraduhon nga may mga safety nets, flag signals kag mga buoy markers ukon mga floating markers sa lugar nga ginapaliguan.
(PCTTO)
Facebook Comments
