i Balita
July 21, 2019
(Photo From Web)
PHILIPPINE PEDIATRIC SOCIETY-ILOILO CHAPTER, NAGSABAT SA PANAWAGAN SANG GOBYERNO NGA MAGBULIG SA MGA BIKTIMA SANG DENGUE.
Ginsabat sang mga doktor sa idalum sang Philippine Pediatric Society -Iloilo Chapter ang panawagan ni Governor Arthur “Toto”Defensor Jr. nga mag-volunteer agud buligan ang mga biktima sang dengue sa probinsya sang Iloilo. Nagpadulong kahapon sa Opisina ni Dr. Cynthia Ng sang Hospital Management Office ang mga opisyal sang nasambit nga grupo sang mga doktor sa pagpanguna ni Dr. Joselito Caso. Suno kay Ng nga nagpahayag sang kahanda ang natungdan nga mga doktor nga magbulig sa pagbulong sa mga biktima sang dengue ilabi na ang mga kabataan. Ginpahayag ni Ng nga magahimo sila sang Memorandum of agreement sa Philippine Pediatric Society kag magadihon sila sang plano kon diin igapadala nga ospital ang mga naga-volunteer nga mga doktor.
