Dumaguete City- Ginpasaka sang Philippine Institute of Volcanology and Seismology(Phivolcs) sa Alert Level 1ang status sang Kanlaon Volcano sa Negros Island bangud sa nabatyagan nga “abnormal condition” sini.
Kasunod sini, nagpahanumdom subong ang Phivolcs nga bawal na nga magsulod sa 4-km radius permanent danger zone sang Bulkan Kanlaon bangud sa posibilidad sang pagsigabong sini.
Samtang ginpanugyanan naman sang Phivolcs ang civil aviation authorities nga kun mahimo imando ang paglikaw “to avoid flying close to the volcano’s summit as ejecta from any sudden phreatic eruption can be hazardous to aircraft.”
Nahibaluan nga sang Marso 9, narekord ang kabilogan nga 80 ka mga volcanic earthquake lakip ang 77 ka mga low frequency events nga naga-angut sa magmatic fluids malapit sa palibot sang bulkan.
