Bukidnon – Nakatala na ug 70 kapin ka aftershocks ang Philippine Institute of Volcanology and Seismology kon Phivolcs human ang 5.4 magnitude nga linog kagahapon sa kadlawon.
Sa interview sa RMN Malaybalay ngadto kang Phivolcs 10 Regional Director Marcial Labininay, gibutyag niini nga katapusang natala ang aftershock kaganaehang alas 5:43 sa buntag diin nakasinati ug 3.5 magnitude.
Matud niini nga sa 8 kilometers west sa Wao, Lanao del Sur ang epicenter sa linog kagahapon.
Sigun Labininay nga abuton pa ug 25 hangtod 30 ka adlaw ang lauman nga aftershocks.
Gipasabot usab sa regional director nga dili mamahimong mas kusog ang aftershock kaysa mainshock ug kung mas kusog ang linog nga masinati dili na matud pa kini konektado sa mainshock ug ikonsidera kining lahi na usab nga mainshock.
