CAUAYAN CITY – TINIYAK NG PROVINCIAL HEALTH OFFICE (PHO) NG CAGAYAN NA NAKAHANDA NA ANG KANILANG TANGGAPAN AT ANG LABINDALAWANG DISTRICT HOSPITALS SA LALAWIGAN PARA SA ANUMANG INSIDENTENG MAAARING IDULOT NG PAPARATING NA SUPER TYPHOON.
AYON KAY PROVINCIAL HEALTH OFFICER DR. REBECCA BATTUNG, NAKAANTABAY ANG LAHAT NG OSPITAL AT MAY SAPAT NA BILANG NG HEALTH PERSONNEL NA HANDANG MAGBIGAY NG KARAGDAGANG TULONG KUNG KINAKAILANGAN.
IBINAHAGI RIN NI DR. BATTUNG NA NAIPOSISYON NA ANG MGA GAMOT AT PROPHYLAXIS LABAN SA MGA SAKIT NA DULOT NG MARUMING PAGKAIN AT TUBIG GAYA NG LEPTOSPIROSIS.
DAGDAG PA NIYA, BUKAS 24/7 ANG KANILANG TANGGAPAN UPANG AGARANG MAKAPAGBIGAY NG TULONG SA MGA NANGANGAILANGANG CAGAYANO, ALINSUNOD SA DIREKTIBA NI GOBERNADOR EDGAR “MANONG EGAY” AGLIPAY NA PALAKASIN ANG KAHANDAAN NG BAWAT OSPITAL SA PANAHON NG KALAMIDAD.
