Gikadismaya sa Provincial Health Office kon PHO Bukidnon nga ubos lamang ang turn out sa nabakunahan sa mga tulunghaan.
Sa interview sa RMN Malaybalay ngadto kang Dr. Ricardo Reyes ang provincial health officer gibutyag niini nga tungod kini sa gamay lamang nga tulunghaan ang nagpabakuna.
Apil lang matud pa sa mga tulunghaan nga nagpabakuna sa ilang mga estudyante ang mga lungsod sa Baungon, Kibawe, Kitaotao ug Sumilao.
Gitudlong rason ni Dr. Reyes sa gamay nga turn out sa nabakunahan tungod kay magkinahanglan pa kini ug consent kon pagtugot gikan sa mga ginikanan.
Ug ang ikaduhang rason mao nga dili magpasalig ang mga school principal tungod kay naghulat pa ug go signal gikan sa Department of Education kon DEPED.
Tungod niini nag-awhag ang provincial health officer sa Department of Education kon DEPED nga tugtan ang ilang mga nurses nga magpabakuna sa mga tulunghaan.
Aduna matud pay igo nga supply sa bakuna ug ang pagtugot lang sa mga tulunghaan ang ilang mga gihulat.
Una nang gibutyag niini nga adunay 3 na ang ilang natalang namatay sa Bukidnon tungod sa komplikasyon sa tipdas.
