Sa interbyu sa DXDC RMN Davao kang Desiree Rasonabe, Supervising Health Program Officer sa Davao de Oro Provincial Health Office (PHO), tanang mga munisipalidad aduna nay mga kaso apan ang uban suspected cases ug dili pa kumpirmado. Mild ug wala usay kritikal sa nahisgutang HFMD cases.
Matud ni Rasonable, sagad sa kaso mga nag-edad og 5 anyos paubos. Hinuon, mayorya niini anaa lamang sa mga panimalay. Gitugutan usab nga dili una muadto og eskwelahan ang mga estudyante nga magbaton og simtomas sa HFMD.
“Dili na pasudlon or dili na paeskwelahon (ang bata). Mag-inform nalang kung naay kalintura o naay simtomas (sa HFMD) nga mugawas. Para dili na sya makaadto. So, dili na sya makatakod. Balay lang sa sya. Mura pud og gi-quarantine. Dili lang sa sya paduladulaon sa uban,” segun ni Rasonable.
Dugang sa health officer, padayon karon ang ginahimong aksyon sa panggamhanan sa Davao de Oro pinaagi sa pakig-alayon sa Department of Education (DepEd) ug Department of Health (DOH) alang sa pagpakusog sa information drive ug gikinahanglang lakang batok HFMD.
RadyoMaN Kirby Manzon
