TACLOBAN CITY – Waray aprobahi han Central Government an infrastructure projects funds nga nagkakantidad hin PHP94 billion para ha Sinirangan Bisayas, ini an gin-endorso han Regional Development Council (RDC) para ha implementasyon ha tuig 2019.
PHP29.49 billion la an gin-approve nga budget funding para sunod nga tuig ini in sumala han National Economic and Development Authority (NEDA).
Sumala kan NEDA Regional Director Bonifacio Uy, RDC Vice Chair, kada tuig nga budget proposals han RDC in diri tanan gin-aakseptar han central government, nagin rason gihapon an cash-based budgeting system kun kayano limitado la an disbursement han pondo.
Para ha Department of Public Works and Highways (DPWH), PHP27.40 billion pesos la an ginhatag nga pondo ha PHP120.33 billion pesos nga gin-endorso han RDC.
An waray gud kaponduhi nga projects han DPWH amu an kalsada tipakadto ha airports, seaports ngan economic hubs.
Gin-endorso gihapon han RDC an PHP2.22 billion para han pagpa-upay han airports ngan seaports ha ilarom han Department Of Transportations (DOTr) pero PHP1.11 billion la an ginkonsidera nga pondo.
An 10 nga airports nga gindususo nga paupayon han DOTr ha 2019, Catbalogan Airport ha Samar ngan Tacloban la an natagan hin budget para sunod nga tuig.
PHP450 million dinhi in para ha Catbalogan Airport Runway ngan PHP50 million naman dinhi in para ha Tacloban Airport Control Tower.
An Maritime Industry Authority naman in nakakuha la hin PHP79.93 million nga budget ha PHP140 million nga gin-endorso.
Nananawagan naman hi Oliver Cam, co-chair han RDC infrastructure ha 13 nga myembro han House Of the Representative ha Region 8 nga umatinder hin RDC Advisory Committee Meeting ngan diri la magpadara hin staff para mas maintindihan han kongreso kun kayano kinahanglan nira han ira ginpropose nga budget para ha Region.
