PIA Administrator Quijano, midepensa batok sa panawagang ipa resign siya sa pwesto

32
PC: RadyoMaN Nitz Arancon

Gidepensa ni Phividec Industrial Authority kon PIA Administrator Franklin Quijano ang iyang kaugalingon gikan sa panawagan ni 2nd District Congresswoman Juliette Uy nga ipa-resign siya sa iyang katungdanan.

 

Kini atol sa gihimong press conference sa Phividec.


 

Si Uy nanawagan nga mo-resign sa puwesto si Quijano tungod sa mga basura sa Verde Soko nga nakalusot sa Phividec area ug gitambak sa lungsod sa Tagoloan.

 

Matud ni Quijano nga dili siya mopahawa sa iyang possession bisan sa panawagan ni Congresswoman Uy.

 

Gibutyag ni Quijano nga bisan si Presidente Duterte, iyang gisultihan nga dili siya mohawa sa iyang puwesto kon walay igong basihanan.

 

“In fact I told the president and his staff nga kon na-a gyoy rason nga  kining angay kong mohawa, sultihi ko ninyo kay mohawa ko” matud ni Quijano.

 

Matud ni Quijano nga wala siya mo-apply sa pagka Administrator sa Phividec kon dili si Presidente Duterte ang nagkuha kaniya aron itudlo isip Administrator sa Phividec.

 

Matud ni Quijano nga iyang nakita nga dunay problima ang Phividec busa iyang gidawat ang tanyag sa Presidente.

 

“I am here because I want to help” matud ni Quijano.

 

Gibutyag ni Quijano nga ayha ra siya mo-resign sa puwesto kon  dunay iyang kasaypanan nga nahimo sa Phividec.

 

Sa pikas nga bahin

 

Gipahayag ni Quijano nga ilang gisuportahan sa Phividec ang nasabutan tali sa South Korean Government ug mga opisyal sa gobyerno nga ilang ibalik sa South Korea ang kapin singko mil tonilada nga mga basura sa Verde Soko nga nakatambak pa karon sa Sitio Bugwak, Barangay Santa Cruz, Tagoloan, Misamis Oriental.

 

Apan taliwala sa ilang pagsuporta, gi-maintain ni Quijano nga ang kapin 5000 tons nga kargamento sa Verde Soko, dili kini basura apan plastic recycle materials.

 

Sa mao gihapon nga Press Con, gibasol pa ni Quijano ang mga opisyal sa Customs nganong ilang gipagawas ang maong mga kagramento gikan sa Pantalan sa Tagoloan kon ang maong mga kargamento pulos man diay mga basura.

 

Matud ni Quijano nga sa ilang kabahin sa Phividec, wala sila masayod nga basura ang maong kargamento.

Facebook Comments

From Advertisers