Unang aasikasuhin ni outgoing Taguig City 2nd District Representative Pia Cayetano sa pagbabalik Senado ang panukalang gawin legal ang divorce sa bansa.
Isa si Cayetano sa may akda ng House Bill 7303 or “An Act Instituting Absolute Divorce and Dissolution of Marriage in the Philippines.” Lumusot ang iminumungkahing batas sa Kongreso noong Marso 2018.
“I will refile the bill. Stina-strategize ko how to go about it,” sagot ni Cayetano sa panayam ng CNN Philippines kanina.
Isang taon nang nakabinbin sa Senado ang panukala at nananatili pa din sa Senate Women Committee.
“But those are challenges that I’m willing to face because to make change, you have to be willing to fight for the changes you believe in,” ani Cayetano.
“This is life-saving for them. Like literally will save their life because they’re in marriages where they are beaten up emotionally, physically and I’ve heard the stories. So I ask my colleagues, just listen to the stories so that you’ll see why I find that it is the right thing to do to pursue legislation for divorce,” dagdag pa niya.
Mariin tinututulan ng Simbahang Katolika ang pagsulong ng divorce sa bansa. Paniniwala ng Catholic Bishops Conference of the Philippines (CBCP), mas lalong darami ang mag-asawang maghihiwalay kapag napatupad na ito at hindi totoong pabor sa mahihirap ang batas.
Nasa pang-apat na puwesto si Cayetano na mayroong 19,635,682 boto sa partial and unofficial result ng PPCRV at COMELEC Transparency Server.
