EL BARANGAY COUNCIL DEL GUIWAN HUNTO CON EL MAGA PULIS TA HACE AHORA EL VICIADA CON EL UN PERSONA MUNTAO NA UN SCOOTER MOTORSICLO QUIEN REPORTAOMENTE TA PICHI MAGA BULI DEL MAGA MENOR DE EDAD MOHER NA MENCIONAO LUGAR. NA RUNCIADA DEL DXRZ RMN TEAM NA LUGAR YA PUEDE PIPINA INFORMACION QUE TIENE TRES MAGA BATA QUIEN YA QUEDA VICTIMA DEL MENCIONAO PERSONA DONDE MIENTRAS TA CAMINA NA CALSADA EL MAGA MENOR DE EDAD DEREPENTE YA LANG TIENE UN SCOOTER MOTORSICLO TA APARESE Y TAMAN DAGUIT CON EL MAGA VICTIMA Y DEREPENTE EL TSUPER TA PICHI CON EL DIILA BULI. DESPUES DEL SOSESO EL SUSPECHAO TA ENTABLA ANTES PA MAN PUEDE REPORTA EL VICTIMA CON EL DIILA PARIENTES. PERO EL SOSESO HINDE LANG UNABES YA SOSEDE DONDE YA REPITI ESTE POR TRES BESES. BASE NA DESCRIPCION CON EL SUSPECHAO TA APARESE QUE UN PERSONA LANG EL HECHOR Y MISMO LANG MOTORSICLO TAMBIEN TA USA. ESTE MAGA TIEMPO ALBOROTAO YA EL SOSESO DONDE MISMO YA EL BARANGAY COUNCIL Y MAGA PULIS EL TA HACE EL VICIADA.
Facebook Comments
