Sultan Kudarat—Mukabat sa 12 ang angol sa nahitabong pagbanggaanay sa pick-up ug passenger van sa Isulan, atubangan sa Kapitolyo sa Sultan Kudarat.
Sa report sa Traffic Management Unit sa Isulan Municipal Police Station nasuta nga pagawas sa Kapitolyo ang pick-up nga ginamanihuan ni Syndon Alimudin, samtang ang Pampasaherong Van padulong ngadto sa Tacurong City nga gimanihuan ni Abdullah Samson.
Gumikan sa kusog nga dagan sa duha ka mga sakyanan nagbangga ang mga nasampit nga misangko sa pagbalintong sa pick-up ug pagkayupi sa unahang bahin sa van.
10 ka mga pasahero sa van ang samdan samtang pareho usab nga angol ang driver sa duha ka mga sakyanan kansa daling gidala sa ospital.
Sa karon nagpadayon pa ang gihimong imbistigasyon kalabutan sa maong insidenti.
