Davao City – Ginalauman na sa LTFRB nga mag lusad og picket rally ang hut-ong sa mga jeepney drivers dinhi sa syudad sa Davao.
Sa interbyu kang Atty. Arman Joso, Regional Director sa LTFRB-XI, gina respeto nila ang katungod sa mga drivers apan kinahanglan nila irespeto ang programa sa gobyerno sama sa pagpatuman sa jeepney modernization.
Segun ni Joso nga parte kini sa development sa usa ka syudad ug alang ra usab kini sa kaayuhan ug ka-komportable sa mga commuters atol sa ilang byahe.
Gipaniguro sa labaw sa LTFRB 11 nga dunay mga tabang gikan sa lokal nga panggamhanan sama sa financial assistance, Tsuper skills and training program ingon man planong pagtukod og kooperatiba alang kanila.
Dugang ni Joso nga dili kuhaon ang prankisa sa mga mupartisipar nga drivers kung magpahigayon lang og picket rally inay sa transport strike.
RadyoMaN Jason Amisola
