Pickup vs PUJ, 3 angol

Davao City – Kasamtangan nagpaalim karon sa Southern Philippines Medical Center ang tulo ka pasahero sa Public Utility Jeepney kun PUJ human naangol sa disgrasya 2:00 sa kahapunon.

Gibanggaan matud pa sa usa ka pickup ang PUJ kung asa nakasakay ang tulo ka pasahero nga sila Loida Opong, Maria Jessa Cubello ug usa ka Allan.

Gikan matud pa sa South bound area ang pickup ug mupaingon sa Panabo City Davao del Norte.


Apan sa kanto Alcantara sa Lanang kalit nabanggaan ang PUJ ug gumikan sa impact napakong ang tulo ka pasahero resulta sa ilang pagkaangol.

Hinuon anaa na sa luwas nga kahimtang ang mga biktima.

RadyoMaN Joel Viray

Facebook Comments