Drug pusher napatay sa kapulisan

33

Davao City – Nahug sa maduguon nga operasyon ang gilusad nga buy bust sa kapulisan sa Presinto 4 human namusil ang drug pusher ngadto sa mga otoridad.

Napugos matud pa og balos ang grupo ni SPO3 Quijada dihang namusil ang suspek nga si Bryan Aprosta, hamtong ang pangidaron ug nagpuyo sa Bunawan ning siyudad.

Daling gidala sa Southern Philippines Medical Center sa kapulisan ang suspek apan di malas tungod human sa pila ka oras pagtambal kaniya nakabsan gihapon kini sa kinabuhi 12:09 sa udto gumikan sa samad pinusilan nga nahiagoman.

Suma ni Police Chief Inspector Reuben Libera, usa ang suspek sa nagsuplay og droga sa iyang AOR hangtud nga natransak sa iyang ginsakpan.

Gikasa ang operasyon 9:45 sa buntag sa Kilometer 24, Inabangga, Bunawan apan nakabantay matud pa ang suspek nga pulis ang mipalit sa droga mao mibunlot kini og .38 revolver dayon pusil ngadto sa kapulisan.

Nakumpiska gikan sa suspek ang ubay ubay nga sachet sa gituohang shabu, 500 pesos nga mark money, ug ang .38 revolver.

RadyoMaN Joel Viray

Facebook Comments