Mga idol mobanat napud si Maria Pikat. Pina-gf using napud ang peg niya ani. Hala sige kini inyong Boy Kirat. Atong paminawon ang tips ni Pikat!
“Sa life, boring kung way love. Nindot man jud nang kiligon ta permi, naay mag-sige ug pangumusta nato, mangutana ug asa ta, nakakaon na ba ta. Labi nag mogawas nanang mga tam-is nga makailad nga mga pulong nga “I miss you” ug “I love you”. Wa na, madala najud ta! Pero ang nakapait sad lage, dili jud malikayan nga masakitan ta. Di maguol mga dzaeee ug dzooong, naa napud ko’y 5 ka pinamay nga tips para di ka masakitan ug todo-todo sa GUGMA!
1. AYAW IHATAG ANG TANAN. Mao ni ang stage nga kanang grabe najud inyong pagminahalay nga makatuo najud kag “FOREVER”. HALA NOOOO?! Ayaw ana jumegs. Dili sa tanan panahon ihatag nimo niya tanan niyang gusto. Dili ka niya binayran nga masayon-sayon ra niyag sugo ug labaw sa tanan di ka niya ginikanan nga mo’provide ka sa tanan niyang gusto. Hinumdomi idol, UYAB KA NIYA. PARTNER. OTHER HALF. Okay raman nang mohatag ka, basta dili lang jud sobra-sobra. Kay naaaa! Ang ending. Magmaoy ka. Makigtagay dayon kas imong barkada. Patay imong liver ana dzaee and dzooong! Jusmeyo!
2. AYAW SIYA HIMUAG IMONG KALIBUTAN. Kani rabang ma’in love ta, buhaton nato ang tanan dili lang mawala sa atong kinabuhi ang atong hinigugma. Kutob sa atong makaya, atong kayanon. Hangtod sa diha na nila magtuyok ang atong kalibutan. Jusko dzaeee! Dili haaaa. Wa tay kasiguradohan ug sila na ba jud atong kuyog hangtod sa kahangtoran. Labi nag uyab pa mo? What if? Mawala sha nimo? Nya niya ra gatuyok imong kalibutan? Mag-unsa naman lang ka? NGA-NGA?! Ayaw dzaeeee. Dili magpalabi. Instead nga siya imong himuon ug imong kalibutan, paghimo mog inyohang kalibutan para ninyong duha. Lahi pud nang kalibutan nga gatuyok sa uban. Para kung mawala siya, dili kaayo sakit kay dili raman kay niya ra gatuyok ang tanan. Di na ka mahugno beshy! Di mo na pasan ang daig-dig! Gemma chares!
3. GAHINI UG TIME IMONG FAMILY AND FRIENDS. SANTISIMA DZAEEE! Tuo lang jud ani kay para way mahay. Kani rabang inlove na kay ta sa? Usahay makalimot na ta sa mga tao nga naa para nato permi sa katong panahon nga single pa ta. Katong gamaoy pa tas atong mga ex. Katong mga panahon nga wa tay laing madali-dali ug tawag para magpakuyog. Wa tay laing masangpit kundi sila ra jud kay wa paman kay uyab ato. Mao nang kung maka-uyab na gani ka, AYAW’G PAMIYA! Gahini pud sila ug time. Bahala’g dili perminte. Kay kung magbuwag raba mo sa imong uyab or mag-away mo, wa kay laing kadaganan kundi imong pamilya ra ug barkada. Lain sad kayg adto ka dagan niya nga siya may hinungdan nga naingon ana ka! Pagshore dha!
4. BALANCE SA SOCIAL LIFE UG LOVE LIFE. Balance is always the key jud sa tanan dzong and dzae! Bisa’g sa mga decision nga imong pagabuhaton kinahanglan na nimong balansehon ug unsay angay ug dili. Mura rasad na’g sa relasyon. Mohatag ka ug time para sa imong bayukems/babylove, mohatag pud kag time sa imong self para e-enjoy imong social life. Dili ka kinahanglan, moparty or malingaw-lingaw sa mga butang nga makapaguba ninyo. Shudi sad ana beshy! Kana lang gung igo na para malingaw ka. Motravel ba ka alone or mobuhat kang time alone. Dili sa tanang panahon kinahanglan kang mobuhat ug butang kuyog imong hinigugma, kinahanglan pud kag “ME TIME”. Time paras imong self. But make sure, mosugot pud imong babylove para way gubot. Pananghid sad ug tarong or storyaan ninyo para di sha kaingon nga wa kay pake niya. E’consider pud ang iyang opinion. Para healthy imong life, healthy pud ang lovelife! PAK!
5. AYAW E’DEPENDE IMONG KALIPAY NIYA. Mao gyud ni ang pinaka’BIG NO NO! Dzaee and dzooong! DILI NGA DILI NGA DILI jud na nimo buhaton nga modepende ka sa laing tao sa imong kalipay. Mag-unsa naman lang ka kung mawala sila? Magpina’Miley Cyrus ka jumegs? Mag’wrecking ball ka? Shudiiii jud! Pagmahimo ug imong kaugalingong kalipay nga dili ka angayng modepende sa uban. Given nga malipay jud ka sa imong bayu sa mga panahon nga magkuyog mo, pero DILI SA TANANG PANAHON NGA NIYA RA NIMO IHATAG ANG IMONG KALIPAY. Juice-colored! Lisud kay na dzaeee. HUGNO kalibutan nimo kung Mag-away mo, samot nag magbuwag mo! MAOY TO DA MAX jud ka ana idol!
Mao na to sha mga idol ang 5 tips para di ka masakitan ug hebi-hebi! Pero di man jud na malikayan nga di ka masakitan pero at least man lang ba, maprevent sha nga di kaayo mograbe imong pagmaoy! Pero ay daaaa! Di maguol kay mabuwag ra gihapon mo kay way forever! HAHAHAHAHAHA Binuang ra idol. Bitaw idol, ALWAYS REMEMBER! Una nimo ihatag ang imong gugma sa uban, higugmaa usa ang imong kaugalingon. Para kung moabot na gani ang panahon nga iya kang biyaan, dili ka grabi nga masakitan.”
Unsa man inyong comment sa tips ni Maria Pikat idol? Doot sa bukog sah? Sigurado ko nga excited na kaayo kang e apply ni nga tips idol. God bless!
