Pila ka mga balay sa Bakhaw, dummy properties sang Prevendido drug group — PDEA 6

ILOILO City – Tubtob subong, aminado ang Philippine Drug Enforcement Agency ukon PDEA 6 nga nabudlayan sila nga maghulag para makapatigayon sang drug operations sa Barangay Bakhaw, Mandurriao.

Ginpahayag ni David Abraham Garcia, Spokesperson sang PDEA 6, nagagwa sa ila monitoring nga dummy properties ang pila ka mga balay sa Bakhaw Mandurriao sang Prevendido drug group.

Ginkumpirmar man ni Garcia nga Bakhaw sa gihapon ang source sang mga nagalibot nga droga sa Iloilo.

Posible suno sa PDEA nga ginapamakal sang Prevendido ang mga properties kag ginapangalan lang sa iban rason kon nga-a mabudlay para sa mga otoridad nga magsulod sa lugar.