PILA KA MGA BENEPISYARYO SANG MGA PROGRAMA SANG GOBYERNO, DAKOP SA ANTI-ILLEGAL GAMBLING OPERATION SA HAMTIC, ANTIQUE.

16

Naglab-ot na tanan sa 21 ka tawo ang nadakpan sa banwa sang Hamtic, Antique bangud sa pagsugal sa tunga sang ginapatuman nga communiuty quarantine bangud sa COVID-19.
Kahapon nga adlaw, naghiwat sang ika-lima nga anti-illegal gambling operation ang Hamtic PNP kon sa diin lima naman ang nadakpa nga nagasugal sang pusoy kag duha sa mga ini ang SAP beneficiaries.
Ginpahayag ni Police Major Adolfo Pagharion Jr., hepe sang Hamtic PNP nga ila na ginpasakaan sang kaso nga paglapas sang PD 1602 ukon Illegal gambling kag paglapas sa Executive order angut sa Enhanced Community Quarantine.
Suno kay Pagharion nga sa kabug-usan nga 21 nga ila nadakpan, 11 sa mga ini ang mga benepisyaryo sang mga programa sang gobyerno kasubong sang Social Amelioration Program, Social pension kag 4 P’s.

Facebook Comments