Nagahingyo ang transport group nga United Negros Drivers and Operators Center (UNDOC) sa gobyerno nga i-subsidize anay ang mga drivers sa pagbalik na sang ila byahe sumugod subong nga adlaw matapos ginpaidalom na ang Bacolod sa General Community Quarantine (GCQ).
Ginpahayag sa DYHB ni UNDOC secretary general Diego Malacad nga kuntani maghatag anay ang gobyerno sang tag-lima ka litro nga krudo sa mga drivers bangud ang tanan ang amat-amat pa lang nga nagabangon matapos ang quarantine restrictions ilabi pa nga gintunga ang carrying capacity sang PUJs sa diin sigurado nga maganubo man ang kita sang mga drivers.
Suno pa kay Malacad, dapat nga magbuligay anay ang gobyerno, ang mga drivers kag operators bangud amat-amat pa lang nga nagabalik sa normal ang tanan, kag indi man sini luyag nga makibot ang mga pasahero sa ginalauman nga pagsaka na sang pamasahe bangud sang reduced capacity sang mga PUJs.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
