34 ka mga pamilya nga gilangkuban sa 139 ka mga indibidwal kasagaran mga bata ang apektado sa flash flood sa Barangay Kipit sa lungsod sa Labason sa lalawigan sa Zamboanga del Norte tungod pa gihapon sa nasinating pila ka adlaw nga pag-ulan sa lalawigan.
Dali nga naghimo ug Search and Rescue Operation ang Labason Municipal Police Station sa pagpanguna ni PCINSP Roldan C. Molate kauban ang mga LGU officials sa pagpanguna usab ni Labason Municipal Mayor Eddie T. Quimbo.
Gawas niini, apektado usab sa baha ang ubang mga lungsod sa lalawigan sama sa Siocon, Sirawai, ug Sibuco.
Nakaandam usab ang relief assistance nga ipanghatag sa mga evacuees.
Pila usab ka mga tulunghaan sa dakbayan sa Dipolog ang lubog sa tubig-ulan diin gisulod na sa tubig ang pila ka mga classrooms sa Galas Elementary School nga maoy nagpalisod sa mga magtutudlo ug mga magtutungha sa lugar.
Ang pagbaha sa pila ka mga lugar sa lalawigan maoy resulta sa walay undang nga pag-ulan nga nasinati sa probinsya tungod sa bagyong Paolo.
*-30- (M. L)*
