Pagadian City- Kapin 20 ka pamilya ang inisyal nga apektado sa pagbaha sa Barangay Poblacion,Kumalarang, Zamboanga del sur epekto sa walay pu-as nga pag-ulan kagabii, kini base sa datos gikan sa Provincial Disaster Risk Reduction and Management Office.
Sa interview sa RMN Pagadian kang Action Officer Francisco Maca, apektado sa kalamidad ang lain pang upat ka barangay sa nahisgutang lungsod.
Hinoon walay gikataho nga samaran og namatay naasoy nga pagbaha.
Nakasinati usab og pagdahili sa yuta ang maong lungsod partikyular sa Brgy. Sicade ug Bugayo rason nga nabalda og halos pulo ka oras ang mga bumabyahe-ay paingon sa dakbayan sa Zamaboanga.
Hangtud karun walay supply sa kuryente ang pipila usab ka barangay sa lungsod sa Dumalinao human nalu-ad ang lima ka poste sa kuryente.
Nagpadayon ang assessment ug clearing operation sa mga apektadong dapit.
