Roxas City, Capiz – Dakop ang isa ka 40-anyos nga lalaki sang ini ang ginserbehan sang warrant of arrest sa Barangay Roxas, Tapaz, Capiz.
Wala na makapalag pa sang dakpon sang mga kapulisan ang akusado nga nakilala Reneboy Victor nga residente sang nasambitan nga lugar.
Ini ang may yara sang pending warrant of arrest sa kaso nga Frustrated Homicide nga ginpapanaog ni Judge Rommel Leonor sang Regional Trial Court, Branch 21 sa Hall of Justice sa banwa sang Mambusao.
Nagalab-ot naman sa 72,000 pesos ang ginrekomendar nga piyansa para sa temporayo nga kahilwayan ni Reneboy Victor.
Ang amu nga persona ang nakahunong na sa karsel sang Tapaz PNP kag natalana nga iga-presentar nga hukmanan nga nagpapanaog sang warrant of arrest.
Sa Poblacion, Maayon, Capiz, arestado ang isa ka persona nga may yara sang ginapangatubang nga kaso.
Ginserbehan sang warrant of arrest sang mga otoridad ang wanted person nga ginkilala kay Rene Magbanua, 38-anyos sang Brgy Salgan, Maayon, Capiz bangud sa kaso sini nga frustrated homicide.
Naglab-ot naman sa 72, 000 pesos ang ginrekomendar sang hukmanan nga piyansa sang persona para sa temporaryo sini nga kahilwayan.
Dakup man ang Grade-11 nga si Paul Jeston Ferrer, 20-anyos nga lalaki sa Barangay Tabuc Norte, Panitan, Capiz pasado las 8:30 ang takna sang aga. Si Ferrer ang nagapangatubang sang kaso nga theft.
Yara na sa kustodiya sang Panit-an Municipal Police Station ang nasambit nga persona.
