Pila sa mga sales representative sang STL, apektado sa pagpauntat sang operasyon sang small town lottery!

Roxas City, Capiz – Pila ka adlaw matapos ang deklarasyon ni Presidente Rodrigo Duterte nga ipa-untat ang operasyon sang Small Town Lottery kag iban pa nga gaming operation sang PCSO, nagareklamo na ang pila ka mga persona nga nagasalig sang ila pangabuhian sa STL.
Ginsiling ni Nanay Karina Delojero sang Bayot Drive Roxas City nga isa ka STL sales representative, apektado sila bangud sa amo nga mando sang presidente.
Suno diri nga kapin sa 400 pesos ang nadula sa iya kita kada adlaw.
Ginpabutyag pa gid sini nga dako ang nabulig sa iya pamilya sang STL partikular sang naospital ang iya apo.
Nahibaluan nga nagasobra sa duha ka libo ang mga sale representatives kag agents sang Small Town Lottery sa Capiz.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments