President Roxas, Capiz- Pilason ang 24-anyos nga lalaki matapos nabun-an alas 10 ang takna kagab-i sa Brgy Cabug-cabug President Roxas Capiz.
Ginkilala ang biktima kay Mark Araneta y Atilano sang Brgy. Vizcaya, President Roxas, Capiz nga nag-angkon sang pilas sa likod matapos ginbuno kag ginsumbag sang ginatudlo suspek nga nakilala kay Bonifacio Mercado Escapolo nga residente sang Brgy. Cabugcabug sa amu nga banwa.
Base sa inisyal nga imbestigasyon sang kapulisan, yara nagapungko sa motorsiklo ang biktima samtang nagalantaw sang binayle sa nasambitan nga lugar sang ini ang ginpalapitan sang suspek. Ini ang ginsumbag sang suspek kag hinali nga ginbuno.
Matapos ang insidente, madasig nga nagpalagyo ang suspek nga sa subong ang padayon pa nga atlarge.
Padayon pa ang imbestigasyon sang mga kapulisan sa insidente.
