Tapaz, Capiz – Pilason ang duha ka mga persona matapos ang mga ini ang ginpangbuno sang 48-anyos nga suspek nga si Leony Galais y Haligado mga alas 6:30 ang takna sang gab-i sa Sitio Gabuk Brgy San Miguel Ilaya, Tapaz, Capiz.
Ginkilala ang biktima kay Hermin Galais y Panes, 46-anyos ang pang-edaron nga nag-angkon sang pilas sa iya liog kag tiyan samtang pilason man si Ernie Senye, 31-anyos ang pang-edaron nga nagtambag gid lamang.
Base sa imbestigasyon sang kapulisan, magkaupod man nga nag-inom ang nasambitan nga mga persona sa poluy-an ni Roderick Galais nga utod sang suspek.
Sa subong ginabulong sa isa sa mga ospital sa syudad sang Iloilo ang mga biktima samtang ang suspek ang natigayon naman nga madakpan sang mga kapulisan.
Ang kahulogbon ang ginatudlo kabangdanan sang amo nga krimen.
