Ivisan, Capiz- Pilason ang 31-anyos nga lalaki matapos ini ang nalab-an alas 11 sang gab-e sa Sitio Balangawan, Brgy. Ondoy, Ivisan Capiz.
Ginkilala ang biktima kay Michael Pondantes y Alojado, residente sang nasambitan nga lugar nga nag-angkon sang pilas sa iya ulo.
Gamit sang suspek nga si Manuel Salido alias “MakMak” ang ginapahayag samurai.
Suno sa imbestigasyon sang mga kapulisan sa Ivisan, nagapungko ang biktima sa guha sang tyangge sang iya utod sang gulpi nga nag-abot ang suspek kaupod ang abyan sini nga si Troy Upod kag wala sang anuman nga hambal, siya ang ginlabo.
Matapos sini, insigida nga nagpalagyo ang suspek samtang gindangat sa Roxas Memorial Provincial Hospital ang biktima agud nga madapatan sang pagbulong.
photo © Google map
