Maayon, Capiz – Pilason ang isa ka persona matapos ginbanggaan kag ginlabo alas sais sang gab-i sa Brgy East Villaflores banwa sang Maayon.
Ginkilala ang biktima kay John Bernardo Degala, 23- anyos ang pang-edaron kun sa diin nag-angkon sang pilas sa iya ulo, natuo nga porsyon sang guya kag magtimbang nga kamot. Ini ang sa subong padayon nga ginabulong sa Bailan District Hospital.
Samtang padayon pa nga atlarge ang ginapahayag suspek nga nakilala kay Rolly Capalia.
Narekober naman sang mga kapulisan pinaagi kay Kapitan Samuel Duronio ang sanduko nga gingamit sang suspek samtang ginahibalo pa sang Maayon PNP ang motibo sang suspek tuhoy sa pagbangga kag paglabo sa biktima.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
