PILASON | Tatlo ka Senior Citizens nga ma-claim kuntani sang pension, nabunggoan sang salakyan sa Kilometer 1!

407

Roxas City, Capiz- Pilason ang tatlo ka mga babaye nga senior citizen makaligad nga ginbunggoan ang mga ini sang salakyan samtang nagalakat sa Kilometer 1 Roxas City.
Ginkilala ang mga biktima kanday Alicia Buncalan; Jolita Capundan kag Sheryl Estiaga nga lunsay mga tumandok sang Brgy. Manhoy, Dao, Capiz.
Nagaguha sa imbestigasyon sang kapulisan nga wala gilayon makontrol sang driver nga si Concepcion Facto sang Arcabalo Bolo, Roxas City ang manibela sang salakyan nga ginamaneho sini sang siya ang nag-overtake sa ginasundan nga salakyan kabangdanan nga nabunggoan gid ang mga biktima.
Insigida naman nga ginpangdangat ang mga ini sa Capiz Doctors Hospital matapos nga nag-angkon snag mga palanakit kag kapilasan sa lawas. Samtang boluntaryo naman nga gin-surrender sang suspek nga driver ang iya kaugalingon sa mga kapulisan para sa dugang nga imbestigasyon.
photo © web

Facebook Comments