Pilipinas, bukas sa clinical trials ng mga bakuna mula sa iba pang bansa ayon sa DOST

Nilinaw ng Department of Science and Technology (DOST) na bukas sila sa clinical trials ng mga bakuna na galing sa iba pang bansa.

Ito ay kahit nag-alok na ang Russia sa bansa ng kanilang developed vaccine na “Sputnik V” laban sa COVID-19.

Ayon kay DOST Undersecretary at Chairperson ng Sub-Technical Working Group on Vaccine Development Rowena Cristina Guevarra, nakikipag-usap din sila sa iba pang bansa kabilang ang Estados Unidos, Australia at iba pang bansa sa Europe.


Inatasan din sila na i-review ang mga rekomendasyon ng vaccine expert panel hinggil sa posibleng kolaborasyon para sa COVID-19 vaccine clinical trials.

Una nang sinabi ni DOST Secretary Fortunato Dela Peña na ang Pilipinas ay nag-commit sa Solidarity Trial for Vaccine ng World Health Organization (WHO) partikular sa clinical trials Phase 3 ng apat o limang bakuna na nag-pre-qualify.

Facebook Comments