Davao City – Sayop matud pa ang pangagpas sa mga kritiko bahin sa pagka-dependent sa Pilipinas ngadto sa nasud China.
Sumala ni Prof. Clarita Carlos sa University of the Philippines (UP-Diliman), ginabalanse sa kasamtangang administrasyon ang pakigtransak sa nagkadaiyang nasud sama sa Japan ug China ug ginasuta kung si kinsa ang adunay mas pabor nga kondisyon sama sa pag-loan sa Pilipinas.
Gani uyon si Carlos sa pag-alma ni Pres. Rodrigo Duterte sa ‘bullying tactics’ sa China sama sa ilang pagpalayas sa Philippine aircrafts didto sa ilang gi-montar nga artificial islands.
Segun sa Executive Director usab sa Stratsearch Foundation, Inc. nga tungod niini mas mamahimong duol ang Pilipinas sa tinuod nga ‘ally’ niini nga Estados Unidos.
RadyoMaN Jason Amisola
