General Santos City— Dili pabor ang duha ka mga konsehal sa dakbayan nga mahimong probinsya sa nasud China ang Pilinas human nga kini nahimong tanyag ni Presidente Rodrigo Duterte pinaagi sa komedya atol sa Filipino-Chinese Business Club Anniversary.
Sumala kang Kagawad Shandee Llido-Pestaño nga bisan ug komedya lang maong butang, nakaani gihapon kini ug negatibong reaksyon gikan sa katawhan ug iyahang gihingusgan nga dili gyud siya uyon nga mahimong probinsya sa China ang nasud Pilipinas.
Samtang sa kabahin ni Gensan Councilor Vandyke Congson, siya nanghinaut nga magpabiling joke ang maong pamahayag gumikan dili niya buot mahimong probinsya sa bnsan unsa mang nasud ang Pilipinas.
Pamahayag niya nga gina-enjoy na sa katawhang pilipino ang kagawasan gikan sa ubang nasud nga nanakop kaniadto ug kini dili libre gumikan daghan ang nga mga kinabuhi ang nasakripisyo ug gisakripisyo aron kini maangkon ug dili mamahimo nga kini ihatag lang basta-basta sa ubang nasud.
