Davao City – Usa ka dakong garbo sa Pilipinas, ang paghost sa 30th ASEAN Summit karong tuiga ilawom sa liderato ni Presidente Rodrigo Duterte. Sumala ni Davao City Second District Councilor Danilo “Danny” Dayanghirang, chairman Committee on Finance Ways and Means, dako kaayong dungog tungod kay ang Pilipinas lahi na karon dili susama kaniadto nga magsunod-sunod lang sa ubang nasod nga sakop sa Asya.
Samtang dakong hagit ug kalamboan ang maangkon sa Pilipinas, human giablihan ang ganghaan sa international community inay ang paglikay sa pakigrelasyon sa ubang kanasuran. Matud ni Dayanghirang, maayo ang gihimo sa Pilipinas aron makasulod ang bisan unsang negosyo aron mapaangat ang ekonomiya sa nasod.
Gipasabot usab sa konsehal sa ikaduhang distrito sa Davao, gihimong independente sa presidente ang iyang palisiya nga wala magsalig sa ubang mga nasod apan ang iyang gibasehan ang makaayo sa Pilipinas.
Gitataw usab ni konsehal Dayanghirang, kining gihimong pagtambong ni US President Trump sa ASEAN Summit dili nila sugaton og protesta o rally inay makigdayalogo kang Presidente Duterte, kung unsay ilang gustong ipadangat sa presidente sa Estados Unidos.
RayoMaN Bernard Pantallon
