“Go signal” na lamang ni Pangulong Rodrigo Duterte ang hinihintay at nakahanda ang Department of Education (DepEd) na ilunsad ang pilot implementation ng face-to-face classes.
Sa Laging Handa public briefing, sinabi ni DepEd Sec. Leonor Briones na handa ang kagawaran saka-sakaling ipag-utos na ito ni Pangulong Duterte.
Ani Briones, nasa 100 mga pampublikong paaralan at 20 pribadong paaralan ang napiling pagdausan ng pilot testing ng face-to-face classes.
Paliwanag pa nito, prayoridad na isalang sa pilot test ng face-to-face classes ay ang mga nasa kindergarten at grades 1 to 3, dahil base na rin sa payo ng mga eksperto, kailangang ma-develop ang pakikipagkapwa tao ng mga ito gayundin ang kanilang “study habits” at “good manners and right conduct.”
