Magsisimula na sa Nobyembre 22 ang pilot run ng face-to-face classes sa mga pribadong eskuwelahan.
Ayon kay Department of Education (DepEd) Secretary Leonor Briones, target ng kagawaran na isama sa pilot run ng face-to-face classes ang 20 pribadong paaralan kabilang na ang international academic institutions.
Sabi pa ni Briones, isang international school lamang ang nagsumite ng kanilang plano para makasama sa pilot ng face-to-face classes na rerebisahin din ng Department of Health (DOH).
“Klarong-klaro iyong marching orders ng President, consult Department of Health, IATF, observe protocols, 100 ang sampling and so on. Tapos, November 15 for public schools, 22 for the private schools, kasi ngayon, niri-review, as of now, right now, my undersecretary is meeting with the Department of Health and assessing also the private schools as well as the international school. As far as I know, one international school has submitted a complete plan for face-to-face and I supposed the other schools follow suit also,” pahayag ni Briones.
