Mipanaw na sa laing kalibutan dili pa lamang dugay ang pinaka-adunahan nga tawo sa nasud Pilipinas ug usa sa pinaka-manggihatagon sa nasud nga si Taipan Henry Sy Sr. sa edad nga 94 anyos.
Kini ang gihimong pagkumpirma sa mga myembro sa pamilyang Sy. Sumala pa nga malinawon kining gibawian sa iyahang kinabuhi samtang kini anaa sa iyahang katulugon.
Si Henry Sy Sr. mga kasama giilang pinaka-adunahan sulod na sa 11 ka tuig, kini sumala sa Forbes Magazine. Ang kabtangan niini kon net worth gibana-banaang anaa sa 19 billion Dollars.
Sya ang giilang founder sa SM Group ug Chairman sa SM Prime Holdings Inc., SM Development Corporation ug Highlands Prime Inc., BDO Unibank Inc. ug honorary chair sa China Banking Corporation.
Si Henry Sy. Sr giilang pinaka manggihatagon sa Pilipinas tungod sa kadaghan niining mga charitable institution nga natabangan, college scholarships ug daghan pang uban. Sa kasamtangan ginahan-ay pa ang patayng lawas sa business tycoon ug wala pay igong detalye bahin sa haya ug lubong niini.
