Iligan City – Nubentay dos ka bag sa dugo ang nakolekta gikan sa nubentay dos ka indibidwal nga midonar sa ilang dugo atol sa gipahigayong blood donation drive kagahapong adlawa.
Unang higayon nga gipahigayon sa Iligan Pulse News and Updates, usa ka social media organization ang susamang kalihukan kun asa gisanong sa mga miyembro ug ubang nagpakabanang iliganon nga midonar sa ilang dugo.
Matud ni Dr. Charles Marquez, daku kaayo ug tabang pagdonar ug dugo niadtung mga pasyente nga nanginahanglan niini ug usab niadtung nakuhaan ug nagdonar sa iyang dugo.
Didto sa Amai Pakpak Medical Center dad-on ang mga nakuhang dugo sa gihimong blood donation drive.
Gipasalig ni Dr. Marquez nga si bisan kinsa kadtung magkinahanglan ug dugo andam ang amai pakpak medical center sa paghatag nga walay bayad o free.
Kauban sa iligan pulse news and updates sa maong kalihukan ang RMN-DXIC ug iFM, Amai Pakpak Medical Center, Carl E. Balita Review center, 2nd Mechanized Brigade, Fraternal Order of Eagles ug Robinsons Place Iligan. (Ghiner L. Cabanday, RMNIligan)
