General Santos City–Nangayo ug suporta sa LGU-Gensan ang coach ug nagmugna sa pinaka-unang Dragon Boat Team sa Gensan.
Atol sa flag raising ceremony sa LGU Gensan- kagahapong adlawa, adlawng Lunes, alas 8:00 ang takna sa buntag sa Gensan Oval Plaza personal nga nangayog suporta ngadto kang Gensan City Mayor Ronnel Rivera si Ryan Mejias kansa founder ug coach sa Dragon Warrior.
Sumala pa ni Ryan Mejias nga dal-on sa ilang team ang pangalan sa GenSan sa mga kompetesyon nga ilahang salmutan sa ubang lugar sa Pilipinas.
Dugang pa niini nga sa kasamtangan nagapangarkila lang sila ug Bangka sa usa ka koleheyo ning syudad aron lang nga makapahigayon ug insayo apan ug dili matud pa available ang bangka nga ilahang arkilahan dili usab sila makapractice hinungdan nga nangayo sila ug suporta sa LGU-Gensan.
Gikabutyag pa sa nahisgutan nga human namugna ang ilahang team niadtong milabay nga tuig gilayon silang misalmot sa kompetesyon nga gipahigayon sa queen tuna park niadtong Disyembre 7 ug 8 kung asa nasakmit nila ang 1st price sa 100 meters small boat open ug sa 100 meter women.(Dave Silagan)
