San Francisco-Halos posible na mabuhat sa karon ang tanang mga butang nga imposible sa niaging panahon pinaagi sa teknolohiya ug ang futuristic nga panan-awon sa mga tawo.
Ang konsepto sa mga naglutaw nga mga siyudad tingali sama sa usa ka nobela sa fiction sa siyensiya, apan kini mahimo nga usa ka kamatuoran sa tuig 2020.
Ang Seasteading Institute, San Francisco ang nagpalambo niining ideya sukad sa pundasyon sa organisasyon sa 2008, ug kini adunay nakaabot sa usa ka kasabutan uban sa gobyerno sa French Polynesia aron pagsugod sa pagsulay ug buhat ka usa ka nasud nga nagalutaw sa tubig nga adunay mga bag-ong modelo sa pagdumala. Gipaluyohan kini sa tanan pinaagi sa mga donasyon gikan sa mga indibidwal nga mipakigbahin sa maong proyekto.
Matod pa ni Joe Quirk, ang presidente sa Seasteading Institute namahayag sa New York Times kung kining nagalutaw nga siyudad mahimung malampuson mahimung mag dugay mahimu kining usa ka dakung nasud , naglangkob kini sa mga usa ka dosena nga mga istruktura, lakip ang mga balay, mga hotels, mga opisina, ug mga restawran.
Ang mga inhenyero ug mga arkitekto nakabisita na sa usa ka lugar nga wala ibutyag diin ang proyekto kinahanglan nga maggawas.
Dugang pa ni Quirk nga ang pagtukod niining Utopian offshore mokantidad sa $167 million. Ang Seasteading Institute nakadawat na og unang nga pondo gikan sa founder sa PayPal nga si Peter Thiel.
Ang Seasteading magsugod sa mga 2020 imbis sa 2050, tungod kay giusab nila ang maong kalambuan.
Kabahin usab nga gihan-ay sa maong proyekto mao ang pagpangandam nga mamahimong malig-on ang floating nation bisan pa man nga mabag-o ang lebel sa tubig sa musunod nga mga katuigan sa kalibutan.( Critz Pedriña, GSA ABCom Intern)
( Photo from web)
