Natala sa dakbayan sa Malaybalay ang pinakaunang kaso sa Delta Variant sa Covid-19 kagahapong adlawa.
Kini gikompirmar pinaagi kang Dr. Dennis Sangalang, City Health Officer sa Malaybalay atol sa interview sa RMN.
Sumala ni Dr. Sangalang nga gikan sa Tagoloan, Misamis Oriental ang maong nagpositibo nga babaye nga nibisita sa iyang mga kaparyentihan sa Brgy. San Martin diri sa dakbayan adtong July 20, 2021. Nagpositibo kini sa Covid-19 ug naisolate sa usa sa mga quarantine facility sa dakbayan. Gikonsidera kini nga fully recovered adtong August 1, 2021 apan nasayran sa dihang miguwa sa Genome Sequencing Test duha ka semana ang milabay nga usa diay ka Delta Variant ang maong kaso. Gipailawom na sa reswabbing ang maong nagpositibo lakip ang 11 ka mga immediate family niini.
Padayon pa gihapon ang 2nd generation ug 3rd generation contact tracing alang sa mga nakahinabi sa nagpositibo.
Samtang hugot nga gipanghimangnuan ni Dr. Sangalang ang katawhan nga magbinantayon ilabi na nga natala na ang pinakaunang kaso sa Delta Variant sa dakbayan.
