PINAL NA | Mga kandidato sang Liberal Party kag NUP sa Capiz, magafile na sang ila certificate of candidacy bwas nga adlaw

CAPIZ – Magafile na sang ila certificate of candidacy bwas nga adlaw sang Lunes, Oktubre, 15 ang mga kandidato sang Liberal Party kag NUP sa probinsya sang Capiz.

Ini ang pagapangunahan ni incumbent Governor Antonio del Rosario nga magapapili sa iya ikaduha nga termino sa pagka gobernador, Cong. Emmanuel Billones Sr. sa premiro distrito kag Cong. Fredinel Castro sa Segundo distrito sang Capiz.

Magaupod man diri ang napulo ka mga kandidato sang LP – NUP coalition sa pagka-board member nga ginalakipan sang tatlo ka incumbent board members nga sanday Victor Tanco Jr, Karen Palomar kag Elueper Martinez, PCL President Elmer Arevalo kag Atty. Mateo Hachuela para sa 2nd district.


Samtang sa 1st district ginalakipan nanday incumbent Board Members Jonathan Besa kag Ricky Martin, Former Pontevedra Mayor Steve Contreras, Maayon Vice Mayor Tambol Apolinario kag isa pa kandidato nga wala pa mahingadlan sang partido.

Magasubmiter man sang ila nga COC ang mga kandidato sang LP sa syudad sang Roxas nga ginalakipan nanday Former Vice Mayor Ronnie Dadivas sa pagka alkalde kag Vice Mayor Erwin Sicad sa pagka bise alkalde kaupod ang napulo ka mga konsehal.

Antes ang pagfile sang COC, may pagahiwaton anay nga misa sa Immaculate Concepcion Cathedral sa Roxas City alas 9:00 bwas sa aga kag magaderetso dayon ang mga kandidato sa City kag Provincial Comelec Office.

Facebook Comments