PINANGBUNO | Isa nasalabat sa away sang 2 ka kustomer sa lodging house

2 ka biktima sang pagbuno, lunsay gindala sa ospital
BACOLOD CITY – Lunsay ginpangdala sa ospital ang duha ka mga biktima sang pag-pangbuno sa duha man ka separado nga insidente kahapon nga adlaw kag kaina sang kaagahon.

Si Jerry CaƱete, 50 anyos, single kag pumuluyo sang Purok Cabugwason, Brgy. Mansilingan ang nag-angkon sang pilas sa iya tiyan kag tuo nga kamot matapos nga ini ang nabun-an pasado las 8 kagab-i sa ila man lamang lugar.

Suno sa biktima, wala ini siya nakahibalo sang motibo kon ngaa ini ang ginbuno sang wala man ginhingadlan nga suspek. Ini siya ang gindala sa regional hospital kag padayon karon nga ginabulong.


Samtang, biktima man sang buno si Roberto Cotitub, 28 anyos ang edad, single kag pumuluyo sang Purok Riverside, Brgy. Banago, Bacolod City.

Suno kay Roberto nga natabo ang insidente sa sulod sang iya gina-obrahan nga isa ka lodging house nga amo ang Visitor’s Inn kon diin may naga-away nga mga customer.

Ginpahayag ni Roberto nga iya ini ginsaway kag ginhambalan nga sa gwa lang dal-on ang ila ginamo.

Wala natalupangdan sang biktima nga nagpalapit na gali sa iya ang amo nga customer kag hinali na lamang ini nga gihandos buno.

Igo sa iya wala nga paa kag bagras sa tuhod ang naangkon sang biktima kag padayon karon ginabulong sa Corazon Locsin Montelibano Memorial Regional Hospital.

Facebook Comments