Pinangita sa balaod dakpan sa police operation

Dimataling, Zamboanga del Sur – Gikustodiya na karon sa Dimataling Municipal Police Station Lock-up cell ang pinangita sa balaod nga nadakpan sa kapulisan atol sa gilusad nga police operation sa Purok 4, Barangay Lalab, Dimataling, Zamboanga del Sur alas 6:00 kagahapon sa buntag.
Sumala ni PCSUPT Emmanuel Luis Licup, ang PRO9 Regional Director, naila ang naaresto nga si Rogen Sedenio Tubac, 48 anyos, minyo, mag-uuma ug residente sa nahisgutan nga lugar.
Ang pagdakop sa target gipasikad sa gahom sa Warrant of Arrest sa kasong Grave Threats nga adunay criminal case number no. 18-126 nga gipagawas ni Judge Ruben Bance sa Regional Trial Court, Ninth Judicial Region, Branch 29 sa San Miguel, Zamboanga del Sur.
Mahatagan lamang sa temporaryo nga kagawasan ang dinakpan kun makatunol sa pyansa nga mokantidad sa P60,000.

Facebook Comments