Naga pangatubang sang kaso nga overcharging si Gilda Flores Li, 50 anyos, isa ka pinay kag tag iya sang Quality Consultants Agency sa Hong Kong matapos gin alegar nag panukot ini sang $20,000 Hong Kong dollars sa isa man ka pinay kabaylu sa invitation sang isa ka employer pa Russia.
Gin presentar sa korte ang una nga hearing ni Li sang Enero 2 , 2018 sa Kwun Tong Court.
Ginkilala ang tag reklamu kay Jean Lorena Sheel , 40 anyos kag isa ka domestic helper sa HK halin sang 2011.Si Lorena isa lang sa 5 ka gina alegar biktima ni Li sang overcharging.
Ginkasuhan si Li sang Employment Agencies Administration sang Hong Kong Labour Department sa pagbaton sini sang bayad halin sa aplikante nga subra sa gina allowed sang layi. ( “receiving payment other than the prescribed commission”.)
Sa panaysayon ni Lorena, ginsukot siya ni Li sang kantidad nga HK$20,000 para kuntani sa invitation letter nga ega provide sang isa ka Russian contact ni Li agud gamiton sa pag aplay sang visa ni Lorena pa Russia.
Dugang pa ni Lorena, una niya gin kuntak ang Quality Agency sang Pebrero 2, 2016 base man sa telepono nga nabalhag sa website advertisement sang agency.
Gin explain sa iya ni Li nga ma down siya sang $10,000 para sa invitation letter kag ang remaining nga 10,000 pagabayaran after 2 weeks nga mag abot ang invitation .
March 5, 2017 , nagsaka siya sa opisina sang Quality kag nagbayad sang $11,000 kay Li.Tungod wala sang resibo nga ginhatag si Li, ginlista nalang sini ang amount sa dala nga notebook kag dugang nga gin kuhaan sang litrato ang iya ginbayad nga kwarta.
Sang gin pamangkot si Lorena ni Magistrate Andrew Mok kon may breakdown nga ginhatag si Li kon diin makadto ang kwarta, nagsabat ini nga para kuno sa invitation letter, Russian visa kg airticket.
Sang Abril 7,2017 nagbayad liwat si Lorena sang $4,000 kay Li kag sang Abril 9 ,2017 gintawagan siya ni Li nga nag abot na ang invitation .Dali dali man ini nga nagkadtu sa opisina ni Li kag sekyaron ang sulat kag wala man sang sala nga nakita si Lorena sa ginpakita nga invitation ni Li.
Sang Abril 25, 2017, gintawgan liwat ni Li si Lorena nga magbayad na sang kulang nga 5,000 kay indi mapaktan maabot na ang iya visa. Tungod may ubra ini ,gin palihog ni Lorena ang iya pakaisa nga mag deposito sa HSBC account ni Li sang HK$5,000.
Apang sang tawgan ni Lorena si Li agud econfirm kon nakuha na niya ang kwarta ,gin sabat sya ni Li nga may discrepancy sa birth certificate , imbis 1976 ang tsakto ,ang naka butang sa invitation letter 1975 gani indi na ma issue ang visa.
Gin tinguhaan na ni Lorena nga eparefund kay Li ang kwarta apang gina ignore lang ini. Sa karun,kinahanglan pa ni Lorena nga mag exit sa China kon dali na lang mag lapse ang visa sa HK tungod wala na ini sang ubra.
The trial continues.
