Report ni: Jennifer Palomo Debaja
Sa sulod sang masubra 22 anyos nangabuhi bilang HK resident si TG Lam matapos magpakasal kg nakabata sa isa ka Intsik sa HK.
Apang sang damlag lang nadiskubre sang awtoridad nga buhi pa gali ang bana sini sa Pilipinas . Isa gali ka kabutigan nga balo na ini antis pa nagpakasal diri sa HK.
Nahibaluan nga nag ubra bilang domestic helper si TG sa HK sang 1994 kg 1995 nagpakasal ini sa Intsik apisar wala pa na dissolve ang kasal nila sang bana sa Pilipinas.
Sa panaysayon ni TG wala ini nag file sang dissolution sang kasal sa pilipinas sa rason nga madugay na nga wala sila sang komunikasyon sang iya bana.
Apang tungod illegal ang “bigamy” sa HK, mangin invalid ang kasal sini sa Intsik. Gin balibadan man ang piyansa nga $1,000 Hong Kong dollars kg maga pabilin ini sa jail custody samtang ginahulat ang sintensya sa Oktubre 30.
Samtang gina pahanumdom gid ni Vice Consul Robert Quintin sa tanan nga antis mag sulod sa Civil relationship dapat gd siguraduhon ang mga legal nga pamaagi para indi mapahamak sa ulihi.
