Report ni: Tita Jen Palomo Debaja
Padayon nga ginapangita subong sang otoridad ang isa ka OFW halin sa Macao matapos nag run away ini samtang yara sa one day tour ang grupo sa Shenzhen, China sang Domingo Oktubre 14, 2018.
Ginkilala ang pinay kay ANGELINE CASTRO CURATO sang Zambaonga City kag naga obra sa Macao, China.
Base sa impormasyon, nagpalagyo ang pinay sakay sa blue nga taxi takna ala 1:05 samtang nagapanyaga sa isa ka restaurant ang grupo.
Tungod sa pagpalagyo ni Curato, gindetain sang 5 ka oras ang kaupdanan sini kag gin paidalum sa imbistigasyon antis ginpahanugutan sang China immigration nga maka pauli.
Naga apela subong si Mr. Steven Xu ang travel guide sa Shenzhen sa kon sin o man nga nakakilala o may kontak kay Curato nga magpakita na ini antis pa man mag expire ang iya visa sa Oktubre 18.
Nagpasalig man si Mr. Xu nga buligan sang iya kumpanya nga makabalik sa Hong Kong o Macao si Curato kon magbalik ini antis paman ma overstay ang iya visa.
