General Santos City— Patay ang usa ka pinirisong nailang si Jestoni Padilla, hamtong ang pangidaron nga nag-atubang ug kasong murder human kining maghikog sa C.R sa South Cotabato Provincial Jail.
Sumala kang Juan Lanzaderas, jail warden sa provincial jail nga nakitan nalang nga nagbitay ang biktima ug wala nay kinabuhi alas 2 ang takna sa hapon kung asa migamit kini ug pisi.
Subay sa impormasyon nga naka-abot kaniya, ayha nahitabo ang paghikog sa nasangpit nga piniriso, mibisita ang amahan niini aron sa pagpahibalo nga adunay laing karelasyon ang iyahang kaipon.
Rason nga dako ang iyahang pagtuo nga gugma maoy hinungdan sa pagpakamatay niini.
Dugang pa niya nga ang kasong gi-atubang sa nasangpit nga murder ang may kalabutan ghihapon sa iyahang kaipon, human niining mapatay ang usa ka lalaki nga sumala pa nakagusto sa iyahang kaipon anaa na usab sa tulo katuig na kining na-priso gumikan sa maong krimen.
