Patay ang gika-ingong drug pusher atol sa gipahigayong drug buy-bustoperation, sa Lanao del Sur Provincial Drug Enforcement Unit ug sa Marawi City Police Station, sa Barangay Rorogagus, Marawi City, gabii niadtong Sabado, Marso 3.
Giila sa kapulisan ang napatay nga si Ogie Ditingki Hadji kinsa maoy unang namusil, gamit ang kalibre .38, ngadto sa mga utoridad human mahalata nga pulis ang iyang ka -transaksiyon, matud pa ni Police Senior Inspector Jemar Delos Santos, information officer sa PNP PRO ARMM.
Gikumpirma ni Senior Superintendent John Guyguyon, hepe sa LDSProvincial Police Office, nga usa sa mga piniriso sa Marawi si Ditingki nga gibuhian sa mga terorista dihang gi –atake nila ang city jail pag -giyera niadtong nakalabay’ng tuig.
Aduna kini kaso nga murder o pagpatay ug pagpangarnap.
Na-recover sa mga utoridad gikan sa suspect ang pistola nga gipanag-iyahan niini, duha ka sachet nga dunay sulod sa gituohang shabu ug marked money nga maoy gigamit sa operasyon. (Divina M. Suson)
