PINOY BARTENDER SA HK, ARESTADO MATAPOS NANGLINGLING SA LADIES ROOM

2566

Report ni: Jennifer Palomo Debaja

Dakop ang isa ka Pinoy matapos nakuhaan sang video ang gina alegar pagpang ling ling sini sa isa ka ladies’ room sa sulod sang shopping mall sa Quarry Bay, Hong Kong Island sang Domingo Pebrero 17, 2019.

Gin aresto ang 43 anyos nga bartender Martes sang aga Pebrero 19, 2019.

Sa surveillance camera footage nga nagviral sa social media sang domingo, nakit an ang suspek nga ginpunggan magsarado ang pwertahan matapos nagsulod ang isa ka babaye sa ladies’ room sa Manly Plaza sa King’s Road, Quarry Bay.

Apisar wala dayun nagsulod ang suspek, pagligad sang pila ka segundos nakit an ini nga hinay hinay man nga ginbuksan ang CR kag nagluhod pa agud manglingling sa atubang sang toilet cubicle.

Matapos ang 30 segundos, nag gwa man Ang SUSPEK antis pa naabutan sang babaye nga naggamit sang CR.

Gindakop sang kapulisan ang suspek sa Westland Road malapit sa Taikoo Place samtang naga liho liho ini sa lugar.

Nahibaluan nga nagaubra ang suspek sa malapit nga pub.
©Eva Ho

Facebook Comments

From Advertisers