Davao City – Ang mga Pilipino dali lang makabangon luyo sa mga problema nga nasinatian sa kinabuhi.
Sumala ni Precious Manliguez, Philippine Mental Health Association (PMHA) Davao in-charge, kasagaran sa mga Pilipino dali lang makarecover bisan sa mga suliran nga nasinatian sama sa kalamidad ug uban pa.
Base sa personal nga eksperyensya kabahin sa katagbawan sa tawo giingon ni Manliguez, kanang matuman niya ang responsibilidad ilabina sa iyang pamilya.
Samtang gipasabot usab ni Manliguez kung magmalipayon ba ang tawo nga dili siya milyonaryo, giingon niya dili magkapareho ang panlantaw sa tawo diin dunay malipayon kung anaa sa maayong panglawas ang iyang sakop sa pamilya, ang uban malipay na kung makadaug sa giapilang sugal ug uban pa.
Giklaro usab ni Manliguez nga ang formula nga gamiton aron makaangkon og kalipay mao nga makontento sa ilang katakos ug edukasyon.
RadyoMaN Bernard Pantallon
