Davao City – Patay ang usa ka pintor human gidungab nahitabo didto sa Purok San Miguel, Brgy. Centro Agdao, siyudad sa Davao.
Sa report gikan Sta. Ana PNP, naila ang biktima nga si Jhay Ronald Asidello, 19 anyos, samtang suspetsado naila nga si Christopher Delcano, 20 anyos, pareho residente sa nahisgutang lugar.
Sa inisyal nga imbestigasyon sa kapolisan, gibutyag sa duha ka witness nga sila Emil Hilot ug Danilo Teve nga ila pang nakit-an ang biktima nga naglamay sa ilang silingan partikular sa covered court sa maong barangay diin kalit giduol sa suspek ug sa walay daghang istorya giluba ang biktima tumong sa nagkadaiyang parte sa lawas niini samtang daling misibat ang suspek sa wala masayring direksiyon.
Sa dihang nagkadugo na ang biktima, daling gitabang ug gidala sa Southern Philippines Medical Center (SPMC) apan nabawian dayon sa iyang kinabuhi tungod usab sa kadaghang samad nga na angkon.
Samtang naglusad na og hot pursuit operation ang kapolisan sa Sta. Ana aron maimbestigahan kun unsa ang motibo sa pagdunggab sa biktima.
RadyoMaN Don Pulayao
